14 наурыз “Көрісу күні” - Наурыз мейрамының бастауы

“Шоқан Уәлиханов атындағы №3 мектеп-лицейі” КММ-да “Көрісу күні” Наурыз мейрамының бастауы аталып өтілді. Адамның адаммен, жылдың жылмен көрісіп, қауышқан шағын қуанышпен мектеп ұжымы қарсы алды. Пенденің аузы аққа, мал аузы көкке тиген шақ.
14 наурыз - Көрісу күні құтты болсын. Көрісу күнінде мұғалімдер, оқушылар және ата-аналар қыстан аман-есен шыққанына қуанып, бір-бірімен қол алысты. Таң сібірлеп атысымен, көрісу мерекесін асыға күтіп алдын-ала дайындалып бауырсақ пісіріліп таратылды.Кішілермен үлкендер қос қолын беріп, көрісіп шықты. Бір–біріне «Бір жасыңмен!», «Бір жасқа есеюіңмен! Осы жылға аман-есен жетуіңмен!» деп тілек айтып береке мен бірліктің мейрамы Көрісу күні аталып өтті. Көрісу күні құтты болсын!